鮮蒲 (已結業)

之前喺大陆都食过锡纸花蛤粉，佢地系成个锡纸攞去电磁炉度煮，辣辣地几好味。之前见网上有介绍红磡开咗呢间专食花蛤粉嘅铺头，所以就心思思走去试吓。由于铺头位于工厂区，所以位置比较难揾，大热天时真系行到身水身汗先揾到。我去𠮶阵系中午12点，可能因为打工仔未放lunch，铺头仲未有人。整体来讲，店内嘅灯光比较暗，座位比较窄，坐得唔系几舒服，但系估唔到佢啲花蛤粉真系几好食。呢杯系随餐附送嘅菜蜜，好饮。等左大概10分钟，期待已久嘅招牌锡纸贝壳粉丝终于上枱啦。我记得之前睇大陆食果个锡纸系热既，因为佢哋系连埋一齐嚟煮。但呢张锡纸吾系热既，所以应该唔系连埋一齐煮。材料包括有花蛤、粉丝、木耳、少量生菜、芫荽、葱，个汤底好鲜甜，成碗粉大概有10只花蛤，其中一、两只有啲沙，但都无影响成碗粉嘅口感，好好味，值得试！跟住上枱嘅系排骨热拌面，个面底有少少似粗版嘅上海面，配料有好脆嘅豆（系炸过的，但我唔知系咩豆）、排骨同肉松，几种配菜夹埋一齐食好有风味！另外我仲叫咗老麻抄手，menu上好细心咁分开「麻」同「辣」供客人选择，各分咗三个度数，客人可以根据自己喜好选择，我就拣咗一半一半，每只云吞都好饱满，唯独系个汁太咸，扣左