羅麥記 (V City) (已結業)

今日去开屯门，同朋友行街见到呢间叫做罗麦记嘅餐厅，入边嘅装修十分怀旧，亦都好有本土香港特色，觉得几得意所以就入去试吓呢间餐厅。揭开个餐厅嘅餐牌都有好多香港特色嘅食物，例如香港人最钟意嘅捞面，有鸡翼捞面，卡邦尼捞面。亦都有西多士虾多士等怀旧食物。我哋就比佢𠮶个砖头焗饭吸引左。佢系一个面包入边有焗饭，焗饭嘅选择包括有黑椒鸡扒，番茄猪扒，咖喱软壳蟹同白汁海鲜。我哋最后呢就叫咗焗番茄猪扒饭。佢个面包份量都好多，反而焗饭就少啲，但系猪扒嘅份量亦都好多，食一个饭已经系好满足多到食唔晒个包😂另外我哋都叫咗一个罗麦鸡翼有得拣辣或者唔辣我哋拣咗唔辣嘅。其实所谓罗麦鸡翼都应该系瑞士鸡翼黎嘅。饮品方面我哋就叫咗雪糕红豆冰同粒粒红豆冰奶茶。佢个粒粒红豆冰奶茶特别嘅地方就系啲冰系红豆冰嚟嘅，溶咗就会有粒粒红豆系个奶茶入边非常之特别。总结来讲啲嘢食都好怀旧，食返以前香港嘅味道，非常值得推介！