肥仔雲南小鍋米線

营业中

休息中

一向好钟意食米线同食辣嘢，个个星期都帮衬连锁店米线开始觉得有啲闷，于是上米线关注组睇下有咩推介。咁啱见到有间喺九龙湾，方便我返工时去食。自从食过一次之后，就成日都挂住好想食，好似上咗瘾咁前排疫情全日停堂食，只做外卖。今个星期开返堂食梗系即刻去帮衬米线有麻辣、酸辣、蕃茄汤、清汤、酸辣粉同捞米线。米线𩠌菜同小食选择都好多。腩肉系招牌𩠌菜，差不多次次都会拣腩肉。卤过嘅腩肉比一般少肥肉，一啲都唔油腻，味道微辣带点甜味，好特别芫茜系计一个𩠌，所以份量好足钟意芫茜嘅人就啱晒麻辣汤底由bb辣至大辣，通常都拣小辣，食落同谭仔二小辣最接近。麻辣汤底嘅麻同辣好平衡，虽然偏重口味，但食完唔会特别口渴。米线煮得刚刚好，滑得嚟唔会煮得太腍麻辣小锅米线本身包括配料肉碎、酸菜、芽菜同韭菜。肉碎好惹味，肥肉比例比一般嘅餐厅少，感觉无咁肥腻总括嚟讲食物质素高，虽然价钱比连锁店贵少少，但𩠌菜选择多而且份量多。自从食过一次之后，差唔多每星期都会帮衬，可以话系我最爱嘅米线店。