肉浦團火鍋放題

营业中

休息中

以为打边炉唔会有伏？咁你就真系错得好离谱！呢间都唔知点解仲生存架到，牛摩都吊打佢⋯⋯我哋拣咗花胶鸡汤底，个味道同出前一丁𠮶个九州猪骨一样，只系加咗啲鸡件同埋加咗啲"花胶". 好重味精味， 好咸。啲牛肉摆落去渌，劲大浸汤底味，完全食唔到牛味。 牛肉嘅质素正常，全部都系薄切。 个人觉得最好食系牛背峰，其他牛都差唔多，因为汤底太咸，遮住咗牛味。至于个冻柜，其实行过去都有浸怪味。因为佢标明系金妹牌芝士肠，谂住系正常啲，点知个味道都有啲奇怪。 跟住啲金菇又黄又干身。 最后净系食咗冬瓜同埋少少菠菜就完咗。热食炸物嚟讲，个麦乐鸡都系咬一啖就食唔落，果层皮又厚又硬。薯格又系，真系石头咁硬，好干身😂跟住都冇甜品，雪糕都冇，乜野啫喱糯米糍都唔见影🫡后记，其实都唔系食得好饱，最后搭巴士嘅时候开始想呕，唔知系架巴士太震定系点啦。