影片
更多
2021-10-15
77 浏览
食过咁多次港女tea最差嘅一间🌚🌚港女tea呢样嘢真系一分钱一分货，奉劝大家真系唔好贪平，食返啲中位价起码人均二百几一位都好过食百几蚊一位-寻日同男友去食，平时都唔会同男友食呢啲嘢，一心谂住平得来几靓，试吓同埋打下卡睇啲宣传片仲话可以影到海景，但成间餐厅落晒帘影唔到，算啦呢个唔系重点。坐低冇耐，staff就上咗个餐牌俾我哋，又系例牌啦，拣茶。我开头唔知仲懒醒以为系一人拣一款，好彩最后问一问先，因为男友见到隔离枱两母女都系得一壶茶。-之后觉得开始出事啦😑唔系啲茶嘅问题，系佢哋啲服务速度同态度好有问题！虽然冇睇钟唔知用咗几耐时间，但呢次系我食过五次港女T有史以来等得最耐嘅一次！🌚开头男友仲话唔使急啦慢慢嚟，食完之后都唔知去边，想消耗下时间就觉得唔使咁急order住。所以我哋坐咗可能都有10分钟先嗌茶。然后等咗应该起码有三四个字先上，平时啲港女T 边使咁耐先上到菜？我怀疑佢啲食材有啲系即叫即整。如果系即叫即整得来好食嘅系OK，但最弊唔系呢🙄通常坐梳化位靠墙嘅角度会睇到晒厨房出餐位，见佢哋系将一个个半月式鸟笼放晒喺冇客嘅枱面，跟住喺厨房行出黎先将啲嘢食砌上个架度再拎俾客人。唔知正常系咪都系咁做
港女tea呢样嘢真系一分钱一分货，奉劝大家真系唔好贪平，食返啲中位价起码人均二百几一位都好过食百几蚊一位
-
寻日同男友去食，平时都唔会同男友食呢啲嘢，一心谂住平得来几靓，试吓同埋打下卡
睇啲宣传片仲话可以影到海景，但成间餐厅落晒帘影唔到，算啦呢个唔系重点。
坐低冇耐，staff就上咗个餐牌俾我哋，又系例牌啦，拣茶。我开头唔知仲懒醒以为系一人拣一款，好彩最后问一问先，因为男友见到隔离枱两母女都系得一壶茶。
-
之后觉得开始出事啦😑唔系啲茶嘅问题，系佢哋啲服务速度同态度好有问题！
虽然冇睇钟唔知用咗几耐时间，但呢次系我食过五次港女T有史以来等得最耐嘅一次！🌚开头男友仲话唔使急啦慢慢嚟，食完之后都唔知去边，想消耗下时间就觉得唔使咁急order住。所以我哋坐咗可能都有10分钟先嗌茶。然后等咗应该起码有三四个字先上，平时啲港女T 边使咁耐先上到菜？我怀疑佢啲食材有啲系即叫即整。如果系即叫即整得来好食嘅系OK，但最弊唔系呢🙄
通常坐梳化位靠墙嘅角度会睇到晒厨房出餐位，见佢哋系将一个个半月式鸟笼放晒喺冇客嘅枱面，跟住喺厨房行出黎先将啲嘢食砌上个架度再拎俾客人。唔知正常系咪都系咁做，但之前𠮶四次我都冇见过会当住啲客面前咁样整🤷🏿♀️就系咁，好尴甘坐岂度，侧边枱枱都喺度食紧但我哋张枱仲系空嘅，得壶茶上得最快。
-
终于嚟到啦，打完卡就开波
开头系唔觉得有啲咩问题嘅净系觉得点解第二层好似好空虚咁…😅后尾揾返啲网上宣传嘅对比图我先发现成件事错晒！
-
💩芝麻鸡翼冇芝麻🙂仲要人哋𠮶啲鸡翼系鸡中翼嚟！我哋𠮶啲系单骨鸡翼，完全货不对办！同埋个摆位都错咗，唔怪得知第二层咁空虚啦，原来𠮶碟鸡翼系应该摆中层😂佢就走去夹硬塞落下层同个汉堡包一齐摆
💩鹅肝多士明明个面包同块鹅肝中间应该仲有堆酱嘅物体就冇咗，仲要块鹅肝嘅质素系好差！虽然唔系成日食鹅肝，唔系金舌头唔知咩系靓鹅肝，但好肯定鹅肝一定唔系咁嘅嘅口感同味啰！
💩龙虾草莓乳酪，宣传片就堆到满！我哋就偷工减料🌚
💩玫瑰泡芙真系唔知自己食紧玫瑰味
💩草莓慕丝蛋糕先系极致！实物同宣传片劲大分别！整到好核突！
💩仲有个芒果慕丝杯，一眼睇同埋食落去个口感就知道啲芒果好唔新鲜！宣传片就有个细羹俾你容易啲去不啲乳酪同慕丝，但我哋系冇嘅，全程净系用佢本身放喺枱面𠮶set叉同匙羹去撩，size根本唔match，撩唔到个底个啲黎食！
🙂九款野食剩系得个macaron同mini burger算系正常过得去。
-
讲完啲食物就讲服务啦，唔知佢哋系缺人定咩，啲店员真系好唔细心！行开行埋都唔识得睇下使唔使加水，唔奢望你开到口问啦讲真。只眼唔知望去边成日回避啲客🙄唔想做嘅就唔好做啰！个茶壶又矮又细加唔到几多水，每次都系加得个半壶咁我都体谅系冇办法，但你哋系要用啲设计感差嘅茶壶就应该多啲去观察下啲人有冇加水嘅需要！而唔系得闲喺度游荡但又漠视客人🔥
而最好笑就系上咗个鸟笼俾我哋都唔会留意到我哋本身系冇碟，影晒相准备想开波我心谂:吓？冇碟嘅咩？要举手再嗌可唔可以比只碟我哋先识得去拎，啊大佬！你地唔撚系盲㗎嘛？冇碟叫个客点食？！
最后冇服务仲好意思收我哋+1 service charge，虽然喺网上订𠮶阵条款系写明要收+1，但我想讲你哋都唔系枱枱收啦，睇撚住有两枱客食完直接走咗出返去搭lift冇人收过佢地Service charge，咁俾人见到实会以为有得走盏系人之常情。到我哋走𠮶阵就捉住我哋要收，下？唔知仲以为我哋借啲意走数食完唔俾钱😑查实就系你哋自己疏忽，一啲收一啲唔收都几唔公平㖞！重点系如果你哋有Service嘅话就算啲嘢系难食左啲都俾得条气顺啲丫！问题系冇Service都好意思收𠮶下就真系俾得好唔顺气啰🙄
名都改得衰过人！叫error 19，真系好error！
张贴