滿屋日本料理 (大鴻輝(荃灣)中心) (已結業)

今日朋友特登嚟庆祝我生日请我食放题，估唔到佢拣咗呢间咁高质素嘅放题，所以都要好好记录一下。座位够阔落，我哋拣咗呢个“D”极致套餐基本上系所有餐牌内嘅食物都可以点，我哋当然要选择由最回本以及冻盘出击，点左松叶蟹。虽然话要回本但系如果质素唔好成真系唔会继续食，顶住个胃。但系呢度嘅蟹系好鲜甜，好有蟹味，肉质够实唔会霉，蟹脚大大条，食落啖啖肉，一流！其次当然系佢哋嘅刺身啦，我哋都食过唔少放题，呢度嘅刺身质素明显比出面优胜。食到刺身嘅鲜味，唔会雪到冇晒味，净系赤虾我都食晒10几只，有虾甜味又大只，啖啖弹牙虾肉，超满足。拖罗，油甘鱼，带子等等我地都食左好几轮。而且佢呢度嘅刺身款式好多，。估唔到仲有海胆会有唔同嘅配搭畀你拣，加青瓜同三鱼籽籽我就最钟意，鲜甜味提升，好味道！之后当然都好似其他放题咁有串烧，熟食，卷物，天妇罗，锅物等等质素高，天妇罗虾又系食到停唔到，薄脆外皮加爽口虾，食左8，9只回本。我欣赏嘅就系佢哋嘅食物系好多款式，炸榴梿，咖哩蟹，鲍鱼,鹅肝呢d都少有。出面嘅饮品嘅选择都同其他放题唔一样，特别系有花茶同埋本地嘅饮品，绝对会回头嘅放题！