金鶴拉麵 (閩街)

营业中

休息中

一向都觉得座银嘅白鸡汤拉面好好味 之后睇食评见到呢间嘅白鸡汤拉面好似个卖相同座银一样, 食评又好好, 价钱方面好似仲平少少, 所以谂住去试一试~有食过座银嘅朋友, 都知道一碗白鸡汤拉面大约$138, 见呢一度有$98一碗白鸡汤拉面仲有糖心蛋半只附送, 一心谂住试吓呢一个平啲嘅version睇吓有咩分别 不过佢呢度仲有一个极浓白鸡汤拉面 ($138), 店员好推介所以我同男朋友都觉得可以试一试 同埋我知道呢度好出名一个鳗鱼饭所以都叫咗一碗嚟试一试~碗面嚟到嘅时候, 其实我觉得个卖相真系同座银差唔多(虽然我男朋友话其实一睇就知争好远🙈)不过当我饮第一啖汤就知争九条街 个汤底完全饮得出系廉价嘅忌廉汤😓 平时去座银就算食唔晒个面都饮晒汤嘅我, 饮咗两啖汤都已经唔想再饮 个炸牛蒡我男朋友话见到其实佢哋一早已经炸好咗, 所以冻哂不过公道啲讲句, 佢其他配菜都多嘅, 例如木耳丝, 蒽, 笋等等之后个鳗鱼饭都嚟啦~ 都还可以啦, 鳗鱼旧肉都好厚切, 不过啲米就麻麻哋, 虽然好似系声称用日本米, 不过就食唔到日本米𠮶只粒粒分明好有咬口嘅感觉 仲要留意番系$238...如果系$98我就会觉得都几好食会再食