Bove

营业中

休息中

Bove一路都系网红打卡店，未搬入商场前佢啲梳乎厘就出名又靓又好食，后尾又因为系良心小店，引嚟唔少人帮衬打卡。一直对佢满心期望，今日终于经过肚饿，又少人排队，即刻买一个试下，点知就失望而回伯爵茶梳乎厘班戟（HKD42）话就话少人排，但落单之后都要等成半粒钟。即整要等耐啲其实冇咩所谓，仲会好理解，不过半个钟后俾pat咁嘅野我，真系不能接受😡先唔讲话面头冇左啲字冇咁靓，根本系成旧野塌左，唔讲以为下面个块咁薄系热香饼。.望一望Poster嘅只供参考图片：再望下揭开睇嘅实物：梳乎厘发唔起都算，佢根本大半旧都处于流质嘅状态。上碟个位师傅咁都照样起镬摆碟、加蜜糖、嗌number俾我地，都真系几唔顾及客人感受。下面嘅液体（蛋浆？！粉浆？！）自然避开唔食，但侥存嘅固体都唔系熟透哂，入口就似系俾浸满汁液、湿答答嘅海绵蛋糕咁，相当之呕心。忽略口感，调味方面唔太甜系唔错嘅，不过伯爵茶味来源于一粒粒似系茶叶嘅颗粒，或者配搭正常梳乎厘冇问题，但今次配埋个粉粉地嘅蛋浆质感，就完全俾我体验到咩系粗糙。常帮条脷磨砂的话不妨一试。