Dodam Chicken (1亞太中心) (已結業)

近年韩国风气大热，韩式餐厅开到成行成市，我自己都食过唔少，不过质素就参差不齐，想揾到间真系好食嘅都唔容易，今日朋友推介之下就过到嚟呢间餐厅，试一次又发觉几有惊喜👍🏼👍🏼我哋叫咗咸蛋黄脆炸鸡，餐厅提供无骨版本，啱晒我呢啲懒人，啖啖都系肉！🐓🐓另外我哋仲叫咗餐厅推介嘅海鲜饼，除咗一般餐厅都有嘅哈同鱿鱼，呢间嘅海鲜饼居然仲有蚝仔，口感更为丰富。我哋仲叫咗个韩式牛肉炒粉丝，呢个系最有惊喜嘅一样嘢食，因为佢承诺有啲似干炒牛河，但系粉丝版本，口感更清新，而且充着麻油嘅香味，奇怪嘅系，食落又唔会好腻，真心推介！😎我哋仲叫咗两杯嘢饮，一杯系韩式烧酒果汁，另一杯就系士多啤梨奶昔，两款都酸酸甜甜，好适合送炸鸡！总的来说，十分满意！