牛角Buffet (雅蘭中心)

营业中

休息中

事源生日，梗系要庆祝吓啦，老公话要去食烧肉放题，之前试过牛大人，仲有其他已经唔记得咗名嘅舖头，印象最深刻嘅都系牛大人，但系试完牛角buffet之后，牛大人系我心目中嘅地位就下降咗啦。因为生日嘅关系，老公话要食到尽，我哋嗌左lv.5嘅𠮶个最贵嘅七百几蚊一位嘅和牛任食，佢啲肉一嚟到，见到啲雪花纹已经流晒口水，仲要系厚身，唔似出边其他烧肉店，出到嚟啲肉系簿切切，重点系佢七百几蚊唔系剩系得一款日本和牛，佢系有10几样选择，仲要好似芝士年糕都系最贵嘅呢一个餐先可以叫，当然我都食唔到咁多，除咗啲牛好惊喜之外呢，佢仲有有汽嘅果汁，矿泉水，同埋有啲小食添，但系小食呢就麻麻哋，个时做会员就好似系$100定系$200 ，然后即刻有九折，所以叫做免费送咗个会员俾我。仲要生日有优惠储分双倍。另外要提提大家，因为牛角buffet超级多人等，都好难book，但系胜在佢有个Apps，你可以喺四五点嘅时候就咁定飞，遥距拎飞，然后就可以等叫Number入座。我坐住喺Office由四点几揿到五点几，因为我要咁岩系7:30可以去食，好彩个天都比我揿到，可以去呢个牛角buffet试吓。