灜鐵板燒

营业中

休息中

日本銀杏炒得香甜鮮美，連殼大大粒唔會過老。食落又軟又糯，竟然冇印象中嗰浸苦澀味😳🌟鐵板賴尿蝦夠晒粗身，有成隻碟咁長😍食落鮮甜多汁，最重要係有膏，好滿足！味道有少少似中式嘅椒鹽瀨尿蝦。🌟黑松露南非鮑魚好多人會以為黑松露嘅味道會蓋過鮑魚嘅鮮甜，但其實黑松露以鐵板燒形式燒一燒，味道會較溫和冇咁霸道，同鮑魚相輔相成👏🏻👏🏻🌟鹽焗馬友魚略帶鹹味，用咗蛋白鹽較為清新，亦令魚肉鮮味更突出。皮香肉滑，魚油豐富😋😋全部都好好味，調味香濃得嚟又冇掩蓋食物嘅鮮味👍🏻今次食呢間鐵板燒可能係我食過最好食嘅！