正宗山西刀削麵皇

营业中

休息中

晚餐7点已经要排队，好彩等左唔驶5mins就有位。要有心理准备，多人时间要搭枱。叫左猪软骨刀削面($50)，双拼(猪手猪大肠)刀削面($50)，跟餐叫连饮品，冻饮加$2。猪软骨刀削面一上枱，超级开心，竟然有3件大大件既猪软骨，再加3件细细地既(系大大件既一半)，佢既细件，已经比食过其他餐厅既大，真心系良心店铺，用料足，价钱仲要平。猪软骨炆得入味，唔会"鞋"，而且肉质嫩，有肉有软骨，软骨咬落脆卜卜声。最重要既系，件肉唔会散/碎，因为之前食过某餐厅，竟然俾猪软骨肉丝/肉碎。钟意食猪软骨既朋友，一定要叫。刀削面由师傅即场削，望住师傅不停削，每条既长度厚度几乎差唔多，好巧功夫。而且面条唔会过软，一碗有好多面，女仔就一定食唔哂啦，男仔食完实饱。猪大肠亦煮得入味，特别在于，平时食开既猪大肠，个样已经扁哂，但尼到仍保留住佢既外形，但又唔硬，已经"林"身，大肠亦洗得干净。而猪手既量亦有3件，唔会太多肥油，充满骨胶原。加埋汤底甜甜地，食完唔会口渴。跟餐有饮品，热豆浆系真系热，食哂d面先饮，都系热，好值得赞，冬天饮一流。整体，虽然要搭枱，不过空间都ok，亦唔会赶你埋单，服务友善。