Little Napoli (已搬遷) 新店位置

餐厅主打传统拿坡里pizza,入门口见到店内装修就知店主好有诚意，会见到来自拿坡里既传统石窑烤炉，师傅就系旁边即时拉好面团放馅料，再放入炉内烤焗，睇住呢个制作过程都系一大享受👍🏻店内位置较小，只有一张坐到4-5人既长枱，同埋系旁边既一张小枱，所以大部分街坊都选择外卖，如一大班朋友想约埋一齐食可能要另觅地方🙈今次叫左最传统既Margherita圣玛札诺香浓茄酱阿杰罗拉水牛芝士罗马羊奶芝士鲜罗勒榄榄油【全香港最好食既pizza👑🍕】呢个名简直当之无愧！新鲜热辣就唔洗讲，即叫即焗即上枱，香浓既芝士味马上扑鼻🧀店员亦教我地最好品尝pizza既食法系要将pizza左右对接食，滴出黎既汁可以用包边沾黎食，食完第一块终于明白点解要咁食😂因为面团就算焗完都系比较软熟，pizza如果就咁拎起，上面既茄酱或者溶左既芝士一定会倒塌😂😂😂我认为最好食另一原因就系个饼底，真系好软熟！颠覆左平时既想像🤯再加埋芝士半溶拉丝既质感，系完美配搭！同埋都可以几肯定pizza既材料系冇味精😂当晚本想叫拿坡里啤酒，可惜餐厅暂未有酒牌，所以冇叫，本来谂住食完要拿拿林出去买野饮，始终都系热气浓味食物，点知食完行返出去铜锣湾，可能