大喜家日本料理 (已結業)

前几日系团购买左两张优惠卷$118位，book左今晚去食啦，首先门外好多人排队包括买左团购既客人同无买既客人，系等位期间计返条数，原价系每位$188+1而团购系$118+手续费$48+附加费20蚊，团购的确系每位平左十几廿蚊既😓。入座之后，首先点左刺身先，好快就到，甜虾就要自己剥壳既，其他就正正常常，卖相好求其，系黎唔足我地点既野，问店员系今日无油甘鱼呀定点，个店员口upup飘走左，再问佢咁今日其实有无油甘鱼，佢话有入单，问非所答，懵懵懂懂，唔想理我咁。除左首单刺身最快黎，之后等左好耐都未有野黎，上菜超慢，黎亲唔系漏黎样就无黎到，其中一张单落左四次，到走都无黎过，野食唔好食都算，起马都黎齐呀！成餐饭我地越食越激气，最后想食杯雀巢雪糕降下火，点知连雪糕都无哂，雪糕柜系空架！！好想知咁大个雪糕柜系咪摆十几廿杯雪糕架咋？！走既时候听到好多食客都好多怨言，话间野不知所谓，d野食叫极都唔黎，团购都唔抵，又有人话系数一数二最难食既放题，我都好认同，真系好伏，真系我食过最差质素同最唔抵食既放题，连男友原本一开始叫我唔好嬲，走既时候佢都嬲到爆。我都忍唔住要写篇野分享下食评，唔想有人再中伏！！实在太差！