影片
更多
2020-08-17
2582 浏览
琴晚突然好想食omakase一早起身十一点打左去几间都无位因为而家得返lunch 仲未有晚市堂食见到呢间可以网上订位仲有九折 online book完再打电话去confirm十一点几book一点，仲有bar枱位。正！虽然网上食评有好有坏 但好嘅居多 即管试下一点钟准时去到 bar枱位只有两位客人见佢地差唔多食完 应该系上一轮客人Lunch set只有两个 一个$739 七件寿司一个$939 六件寿司+三款刺身我地两个人，一人要一款因为我中意食寿司 所以拣左$739 set拣完餐 上左个前菜Seafood salad陆陆续续有其他book左一点三，一点半嘅客人黎到我无谂过我book左一点原来要等埋一点三，一点半嘅客人黎到拣埋餐先开始有嘢食⋯⋯未试过食omakase系咁 平时都系讲好左几点开始就准时到 以免影响下一轮客人嘅时间 呢间餐厅真系未食已经令我唔多满意等到一点九 终于有嘢食茶碗蒸蛋系好滑 入面有菇同瑶柱仔 质素普通 无惊喜之后系友人嘅刺身三点上图系两片深海池鱼，唔记得咩鱼卷住个带子上面有几粒鱼子 普通下图系广岛蚝 加啲自制source个source好似金银蒜 同个蚝唔系好夹之后系寿
一早起身十一点打左去几间都无位
因为而家得返lunch 仲未有晚市堂食
见到呢间可以网上订位仲有九折
online book完再打电话去confirm
十一点几book一点，仲有bar枱位。正！
虽然网上食评有好有坏 但好嘅居多 即管试下
一点钟准时去到 bar枱位只有两位客人
见佢地差唔多食完 应该系上一轮客人
Lunch set只有两个
一个$739 七件寿司
一个$939 六件寿司+三款刺身
我地两个人，一人要一款
因为我中意食寿司 所以拣左$739 set
拣完餐 上左个前菜
Seafood salad
陆陆续续有其他book左一点三，一点半嘅客人黎到
我无谂过我book左一点
原来要等埋一点三，一点半嘅客人黎到拣埋餐先开始有嘢食⋯⋯未试过食omakase系咁 平时都系讲好左几点开始就准时到 以免影响下一轮客人嘅时间 呢间餐厅真系未食已经令我唔多满意
等到一点九 终于有嘢食
茶碗蒸
蛋系好滑 入面有菇同瑶柱仔 质素普通 无惊喜
之后系友人嘅刺身三点
上图系两片深海池鱼，唔记得咩鱼卷住个带子上面有几粒鱼子 普通
下图系广岛蚝 加啲自制source
个source好似金银蒜 同个蚝唔系好夹
之后系寿司六件
包括
- 金目鲷
- 𫚕鱼
- 黑鯥鱼
- 深海池鱼
- 蓝鲸吞拿鱼
- 北海道带子+左口鱼裙边
（因为最多摆十二张相就无摆出黎
同其他人影嘅差唔多）
鱼嘅种类真系普通 无特别
师傅不断话个吞拿鱼好正
佢腌左两个星期 迫晒啲鱼嘅甜味出黎
吞拿鱼系ok 但佢系雪柜拎出黎就直接比人食
⋯⋯可能我见识少啦 我未食过未解冻嘅鱼
有另一款寿司 直情食到有条细骨⋯⋯
另外 啲饭好酸 唔系普通酸 系好x酸
呢个就系我嘅第七件寿司
唔好问我咩黎 因为师傅无讲 我都唔知
可能全场得我一个食七件寿司 佢都废事解释我听
但我净系知旧鱼断开左一半 咁都可以上枱比人食
第一次食omakase 有啲咁嘅‘高’质素嘅鱼
最后系令人满心期待嘅海胆杯
如果唔食海胆可以叫师傅转拖罗杯
虾无虾味 质地淋嘅 可以过梅嘅
海胆一pat pat 唔得干身
再加埋唔知咩调味同个劲酸嘅醋饭
成个海胆杯食唔到应有嘅鲜味
比啲重口味嘅调味料遮盖晒⋯⋯
师傅仲无介绍咩产地嘅虾 边到嘅海胆
我谂都系普通货色都废事介绍你知
最后系鱼汤同豆腐雪糕
未试过鱼汤系咁油 咁重调味 好似饮味精汤
豆腐雪糕最正常 好有豆腐味 因为唔系自家制
食完成餐饭 觉唔觉得佢系无拌碟个啲姜呢
系呀 佢完全无提供架
唯有不断饮绿茶 冲一冲上一件寿司啲味啰
佢所有寿司都好重调味
唔知系师傅嘅个人style定想盖住食材嘅鲜味
仲要一坐低就sell你开酒
师傅开完个厨柜又无洗手就搓寿司
唉 呢啲时势好心就再注重啲卫生啦
有九折=免加一，两位埋单总共$1678
呢个价钱 每人比多百令蚊可以食到另一间出名嘅海胆杯⋯⋯
起码人地食材食鲜，师傅准时开席
总括黎讲：无下次👋🏻
张贴
