影片
更多
2024-07-15
8015 浏览
生日男朋友带我尼呢间餐厅到谂住食自助餐，以前亦有系同层另一间cafe食过都觉得质素几好，点知今次生日餐真系中晒伏。首先佢既形式系出面有啲野食拎，然后另外仲有一个menu，其中有8样小食系可以任叫，同埋主食都有10样左右，咁每人可以叫一个主食。本身见到咁都未觉得有咩问题，反而觉得好似好多野食咁，但真系大错特错啰！出面可以拎既野食系极之少啦，虽然有生蚝同蟹脚（本人唔系很好海鲜），但除咗呢两样高价食材之外其他真系无乜好拣啰！沙律、冷盘、前菜、甜品，跟住就无啦！！我出完去第一转拎野食系连一个盘都装唔满！因为食物卖相不佳啦（连相都唔想影果种），加上种类真系好少啰！完全系一眼睇晒！咁系出面拎唔到咩野食，我就谂住系佢menu果到叫啲小食啦，点知佢八样野里面系有四样都系薯仔呀！薯角、薯容、芝士焗薯、番薯！！其他仲有炒饭、西兰花、甘笋等等，而且味道非常之一般！我食完一转野食真完全心都凉埋！已经唔知可以食咩，连拎第二转野食既意欲都无！唯一净系可以食多少少蟹脚先会觉得抵反少少咋！然后叫埋佢个主食，叫左一个肉眼扒同一个猪腩仔，咁肉眼扒个味道系ok既，合格，但个猪腩真系难食呀，个调味好奇怪，食完一啖直情吐反出尼
以前亦有系同层另一间cafe食过都觉得质素几好，点知今次生日餐真系中晒伏。
首先佢既形式系出面有啲野食拎，然后另外仲有一个menu，其中有8样小食系可以任叫，同埋主食都有10样左右，咁每人可以叫一个主食。
本身见到咁都未觉得有咩问题，反而觉得好似好多野食咁，但真系大错特错啰！
出面可以拎既野食系极之少啦，虽然有生蚝同蟹脚（本人唔系很好海鲜），但除咗呢两样高价食材之外其他真系无乜好拣啰！沙律、冷盘、前菜、甜品，跟住就无啦！！
我出完去第一转拎野食系连一个盘都装唔满！因为食物卖相不佳啦（连相都唔想影果种），加上种类真系好少啰！完全系一眼睇晒！
咁系出面拎唔到咩野食，我就谂住系佢menu果到叫啲小食啦，点知佢八样野里面系有四样都系薯仔呀！薯角、薯容、芝士焗薯、番薯！！其他仲有炒饭、西兰花、甘笋等等，而且味道非常之一般！
我食完一转野食真完全心都凉埋！已经唔知可以食咩，连拎第二转野食既意欲都无！唯一净系可以食多少少蟹脚先会觉得抵反少少咋！
然后叫埋佢个主食，叫左一个肉眼扒同一个猪腩仔，咁肉眼扒个味道系ok既，合格，但个猪腩真系难食呀，个调味好奇怪，食完一啖直情吐反出尼😵💫😵💫😵💫😵💫
最后甜品系最好既，种类都唔少啦，味道系几好既，咁但系个生日甜品就有啲hea啰，佢系同出面既甜品一样，然后几个放埋一齐有个生日牌，咁岩几样都同我地拎既甜品撞晒😥😥
总结呢间系我食过最差既自助餐，食物选择少、味道系大多数都不算好，可能系薯仔食得多，我同男朋友都系食饱左都唔知食过啲咩既感觉，两个人食左一千三百几蚊，同价位比佢好既选择实在太多太多。
张贴
