影片
更多
2019-06-16
407 浏览
新开，大家都系贪新鲜，今晚父亲节去试下，8点去到等左半小时有位。4个人叫左4个小菜：鱼香茄子肉松煲、啫啫杂菜煲、生炒骨 & 椒盐豆腐。食到中途仲叫左个 豉椒排骨炒河外卖。饮品半价。加$8 有白饭 & 例汤，上晒菜先同你讲今日的例汤无晒，当时只不过 8 点几，吹到啤一声，但都系照收$8。如果佢一开始落单前就同人讲无晒例汤，我地会走人去第二间食，因为附近有2，3间食小菜的餐厅，白饭 & 例汤都系跟小菜送的。鱼香茄子煲味道 ok , 算系咁多个小菜最好味的一个，但份量少到 ...... 茄子大约只有10 件左右。啫啫杂菜煲，不知所谓 杂菜呢？成煲野只得菜心，都算，仲要系老到有渣咬都咬唔郁。上菜时 d 菜乱七八糟...... 飞晒出煲边都唔执返靓仔一下，一睇就知道系炒完就咁扔上个煲度。讲真，做餐厅上菜就算唔求靓仔最起码都唔好飞左出煲边啰 ...... 生炒骨，炸到太老，外皮有点儿硬，味道可以。椒盐豆腐，可以接受，酱汁要问先俾。豉椒排骨炒河最后取消左。中途叫的，但食完晒小菜都未到，问佢，佢话头先无落单，依家落返即刻整俾你。等左3、4个字，再催佢，佢话厨房煮紧好快有，好，再等下唯有，再等左5分钟
4个人叫左4个小菜：鱼香茄子肉松煲、啫啫杂菜煲、生炒骨 & 椒盐豆腐。食到中途仲叫左个 豉椒排骨炒河外卖。
饮品半价。加$8 有白饭 & 例汤，上晒菜先同你讲今日的例汤无晒，当时只不过 8 点几，吹到啤一声，但都系照收$8。如果佢一开始落单前就同人讲无晒例汤，我地会走人去第二间食，因为附近有2，3间食小菜的餐厅，白饭 & 例汤都系跟小菜送的。
鱼香茄子煲味道 ok , 算系咁多个小菜最好味的一个，但份量少到 ...... 茄子大约只有10 件左右。
啫啫杂菜煲，不知所谓 杂菜呢？成煲野只得菜心，都算，仲要系老到有渣咬都咬唔郁。上菜时 d 菜乱七八糟...... 飞晒出煲边都唔执返靓仔一下，一睇就知道系炒完就咁扔上个煲度。讲真，做餐厅上菜就算唔求靓仔最起码都唔好飞左出煲边啰 ......
生炒骨，炸到太老，外皮有点儿硬，味道可以。
椒盐豆腐，可以接受，酱汁要问先俾。
豉椒排骨炒河最后取消左。中途叫的，但食完晒小菜都未到，问佢，佢话头先无落单，依家落返即刻整俾你。等左3、4个字，再催佢，佢话厨房煮紧好快有，好，再等下唯有，再等左5分钟，再问佢，佢竟然话厨房仲未整。真系无言...... 吹到啤一声。唯有取消，去附近其他餐厅买。
隔离2人台先好笑，等左半小时先有一碟生炒骨到，但人地嬲到一见佢上菜，即刻话唔要啦，即刻起身走人。
第2枱人来坐呢张台，咁岩又系叫生炒骨，半分钟都无，侍应拿住头先俾人退左个碟生炒骨来到，问介唔介意？同人讲头先上一枱走左唔要的，我真系系个心度笑左出来都唔知话你老实好定系 ......
职员方面，一位男侍应，问佢系味所有饮品半价包括特饮？佢竟然回答：呢个我唔系好清楚。麦员工一开始入职时唔系已经了解好晒餐厅的情况？
一杯冻柠茶，来左第一次，讲唔系我地的送错左，转个头，第二个又拿返同一杯野返来 见到其他枱，间中都有上错野的情况。
真心讲，咁的经历，真系我食过最差最差的一间餐厅。绝对唔会帮衬第二次。
张贴