佳佳甜品 (已搬遷) 新店位置

佳佳甜品系我最喜欢嘅港式糖水店。由佢细细间舖开枱坐街，食到而加大大间舖。迟啲佢地搬，我一样会继续支持。喜欢佳佳有好多个原因：1) 味道。佢地做嘅每一款糖水都好出色。食咗咁多年，基本上款款都食过晒。我个人特别欣赏佢嘅姜汁糖水。姜味好浓，辣辣地又唔会太哽，甜味恰到好处。衬蕃薯同汤圆都真系完全无得输。佢嘅汤圆又系极品。面粉唔会太厚，而且好烟un，个芝麻馅真系好流沙，而且好多馅，唔系好似有d地方食咗大半粒汤圆先食到少少芝麻馅。同埋最值得赞嘅系佢嘅芝麻馅滑得嚟唔糊，食落去真系有芝麻嘅质感咖。2) 感觉。佳佳用嘅餐具－ 怀旧陶瓷碗－真系勾起好多儿时回忆。加上佢舖头嘅木枱木椅，令我谂返起细个嘅时光。今日下昼2点零3点到嚟食，咁啱两个搭枱嘅都系一个老人家带住一个小学生，放学走去食糖水。呢啲温情唔会系你喺香格里拉high tea揾到的。3) 人情味。佳佳就算做到出晒名，个价钱一样都好亲民。面对咁贵嘅租金，佢地都坚持18蚊一碗糖水。呢d就系人情味了。Overall, 佳佳喺我心目中系9.5/10。其中𠮶0.5分系比某d态度带点恶劣嘅伙记的。