影片
更多
2019-11-22
221 浏览
做得良心黄店，食物都要攞个心出黎煮，但呢间餐厅嘅食物质素可以用差劣黎形容，厨师唔识调味，可算系我系香港食过最难食嘅居酒屋。先讲鳗鱼饭，呢间系日本餐厅但唔系用日本米，亦都唔系香港人食开嘅泰国米，我估用咗双羊百搭米，因为佢饭粒较圆但唔烟韧，不过用咩米都好，总之就系又烂又无口感。而且鳗鱼处理得唔太干净，食到有少少泥味同有少少骨，而厨师尝试用极浓味嘅酱汁去遮盖阵泥味，可惜唔成功之余，仲令到鳗鱼过咸。再黎讲讲烧物。豆腐太淡，鸡肾同牛舌太韧，盐烧鸡翼过咸又干，茄子酱汁过甜亦烧得唔够淋，基本上调味同烧嘅技巧都出事，唔合格。至于鱼生，我地净系嗌咗帆立贝，我自己无食，但朋友指唔太爽甜，好一般。唯一好食系炸物，咖哩薯饼几香脆，咖哩浓郁但唔辣，啱我口味。另外炸蚝都唔错，系有一两只蚝太细，粉浆太厚。不过最大问题系服务，呢间居酒屋人均消费最少都要200至300蚊，唔算平，但佢嘅服务奇差，主因系人手不足，满座时客人约有40人，但得一至两个侍应应付楼面。我地问侍应要杯水时，佢竟然答：「得闲先！」非常无礼貌，令人诧异，然后差唔多15分钟之后先比到水我地，甚至要埋单，都等咗好耐，想走都无得走。呢间餐厅系openrice
先讲鳗鱼饭，呢间系日本餐厅但唔系用日本米，亦都唔系香港人食开嘅泰国米，我估用咗双羊百搭米，因为佢饭粒较圆但唔烟韧，不过用咩米都好，总之就系又烂又无口感。而且鳗鱼处理得唔太干净，食到有少少泥味同有少少骨，而厨师尝试用极浓味嘅酱汁去遮盖阵泥味，可惜唔成功之余，仲令到鳗鱼过咸。
再黎讲讲烧物。豆腐太淡，鸡肾同牛舌太韧，盐烧鸡翼过咸又干，茄子酱汁过甜亦烧得唔够淋，基本上调味同烧嘅技巧都出事，唔合格。
至于鱼生，我地净系嗌咗帆立贝，我自己无食，但朋友指唔太爽甜，好一般。
唯一好食系炸物，咖哩薯饼几香脆，咖哩浓郁但唔辣，啱我口味。另外炸蚝都唔错，系有一两只蚝太细，粉浆太厚。
不过最大问题系服务，呢间居酒屋人均消费最少都要200至300蚊，唔算平，但佢嘅服务奇差，主因系人手不足，满座时客人约有40人，但得一至两个侍应应付楼面。我地问侍应要杯水时，佢竟然答：「得闲先！」非常无礼貌，令人诧异，然后差唔多15分钟之后先比到水我地，甚至要埋单，都等咗好耐，想走都无得走。
呢间餐厅系openrice 有好多好评，当日门口亦都有好多人排队，平日夜晚三个人都等咗半个钟先有得入座，有如此人气，如果仲唔改善食物质素同服务态度，实在系沽名钓誉。
张贴
