台北車站 (已結業)

呢间台北车站见佢新开个排系无晚市，好可怜，之后终于揾到一次入去试。基于唔太肚饿，同老公叫左一个牛肉面，一碟卤水拼盘，同一杯朱古力珍奶。好啦个店员问我要咩面，佢话有刀削面同阳春面，我地都无留意，问佢图片中系乜，话系刀削面。我心谂唔方似自己削㖞，点睇你个款都好似759 卖d台湾刀削面，心谂不妙，我地成日自己煮洗鬼食你咩，咁唯有叫阳春面啦。面黎到，牛肉：老到不得了，柴、韧汤底：完全无特别，唔会非常咸，有两旧红萝卜面：真系大镬，完全就系隔离759卖紧一包包𠮶啲阳春面，有咩质素可言？面条淋、发。这是一碗非常无心的牛肉面。好啦个卤水拼盘仲劲抽，完全无卤水味。个几片牛展睇图都干柴都不得了，猪耳似雪左好耐硬到不得了，鸡翼同蛋平平无奇，无卤水味。除左难食，真系无野可以形容到。珍奶正常，小店质素。各位可以同你哋既伴侣同甘共苦一下，老公笑说，今朝食完好野，夜晚就有报应吗？其实睇到佢餐牌乜都有，比如打边炉、鸡煲、酸菜鱼以至小菜同茶记食物都有，入黎之前抱住一试心态，果然系奶野。以后呢种非专做某菜系的餐厅，大家都应该要识考虑入唔入试伏。