影片
更多
2008-05-16
14 浏览
上个星期去开港湾豪庭探朋友, 唔想行咁远就落左去楼下o既扒王之王. 食完后真系要上唻讲声, 以后唔会再去扒王之王. 个晚friday, 得2,3成入座率. 我地3个人都叫左个dinner set $158.朋友叫左龙虾浓汤, 佢地话劲淡. 我叫左忌廉汤, 我未试过饮白汤会饮到一旧旧未搅拌o既忌廉渣, 自己o系屋企开金宝都唔会搅到佢地咁...头盘我地叫左鹅肝&田螺焗薯蓉, 鹅肝无鹅肝味, 明白o既, 百几蚊个set差唔多. 田螺焗薯蓉, d 田螺好细粒&好"鞋".main course我地叫左3份唔同, 分别切左1小旧大家share下味.我叫左牛柳, 我想铁板上, 谂住会香d, 个部长提议碟上, d肉会无咩"鞋", 都明白呢个道理, 就碟上啦. 我本身唔钟意食太生, 就要7成. 个部长又话因为个牛柳厚, 建议4成, 因为真系怕太血淋淋, 最后决定5,6成. 个牛柳面积好细块, around一个女仔手掌咁大, 不过都厚身. 食落好鞋, 我估同5,6成无关, 因为佢中间系流晒血. 完全无牛味, 一个字"差"!朋友叫左佢地推介加$o既臣户牛扒, 系"臣"唔系"神". 我叫佢块扒面积大过我块牛柳
个晚friday, 得2,3成入座率. 我地3个人都叫左个dinner set $158.
朋友叫左龙虾浓汤, 佢地话劲淡. 我叫左忌廉汤, 我未试过饮白汤会饮到一旧旧未搅拌o既忌廉渣, 自己o系屋企开金宝都唔会搅到佢地咁...
头盘我地叫左鹅肝&田螺焗薯蓉, 鹅肝无鹅肝味, 明白o既, 百几蚊个set差唔多. 田螺焗薯蓉, d 田螺好细粒&好"鞋".
main course我地叫左3份唔同, 分别切左1小旧大家share下味.
我叫左牛柳, 我想铁板上, 谂住会香d, 个部长提议碟上, d肉会无咩"鞋", 都明白呢个道理, 就碟上啦. 我本身唔钟意食太生, 就要7成. 个部长又话因为个牛柳厚, 建议4成, 因为真系怕太血淋淋, 最后决定5,6成. 个牛柳面积好细块, around一个女仔手掌咁大, 不过都厚身. 食落好鞋, 我估同5,6成无关, 因为佢中间系流晒血. 完全无牛味, 一个字"差"!
朋友叫左佢地推介加$o既臣户牛扒, 系"臣"唔系"神". 我叫佢块扒面积大过我块牛柳dd, 但系厚身好多. 食落同我块牛柳一样, 最惨佢块扒差唔多有3,4成系食唔到. 我地未见过一块扒d脂肪肥肉系一块块白色咁o系块扒入面, 点切都避唔到, 仲要有d系硬到切唔落, 可能系呢块扒o既selling point, 不过我地真系好唔buy, 两个字"劲差"!
另一位朋友好d, 食银鳕鱼, 普普通通, 至少叫摆得落口.
另外d特饮, dessert唔多讲.
我都好耐无去扒王之王, 差唔多2年, 因为有更多扒房比佢好. 之前去过几间, 好多好多年前扒王之王o系太子开业, 系最好味之外, 佢地d quality越唻越差, 只系觉得青衣城个间都尚可接受. 有次去旺角西洋菜个间仲发觉碟上d汁入面有昆虫仔, 但佢地即时换过就算啦.
今次唻可谓最难食o既一次据扒, 埋单加埋1要$180/ppl, 佢地o既加价升幅又系离普, 加价但好味都算, 但仲要差左.. 我情愿比$80去金凤食好好多. 唔系! 应该系比$50去大快x, 大x乐个d都好过呢过几条街.
张贴