影片
更多
2019-02-19
58 浏览
讲起放题，我之前只会谂到二三百蚊任食，食物种类黎黎去去都系𠮶几款，务求在有限𠮶2个多钟内尽量食饱回本。今次呢间鲜道乐放题真系颠覆咗我对放题嘅定义，首先价钱真系几贵，几乎600蚊一个人😱如果唔系朋友请，我真系唔舍得去食，另外时间有成5.5小时，唔洗赶住狂食/怕被人追last order究竟成600几蚊嘅放题可以有咩特别？首先头盘已经豪华，先黎个甲罗烧，以前配青瓜、饼干、多士都试过，米饼真系冇试过。之前配青瓜就感觉系中和咸味，但米饼就提升咗香味。牛小排and五花腩我地四个share，因为想每样都试试。牛小排脂肪分布均匀，诱人嘅雪花纹令我未食先兴奋，在滚烫嘅岩石上烧10秒左右就上碟，入口即溶。五花腩都充满油香，如果再厚切就更正了，我比较钟意五花腩用厚切。因为肉冇腌过，所以可以品尝到本身嘅肉香，抵赞。笼仔蒸海鲜，我地今次有好大只嘅花甲。全清蒸，啖啖鲜味。竟然仲有半只龙虾+两件肥拖罗。头盘竟然有咁贵嘅食材，睇黎真系一分钱一分货。喜之次系4个人就送嘅，咸味好均匀，鱼肉都唔会松散，我记得之前我烧过一条喜之次，烧到散晒，几乎浪费咗😂最后嘅釜饭其实好迟先送上，𠮶阵我地都饱到七七八八，所以只食咗少少，品尝
究竟成600几蚊嘅放题可以有咩特别？首先头盘已经豪华，先黎个甲罗烧，以前配青瓜、饼干、多士都试过，米饼真系冇试过。之前配青瓜就感觉系中和咸味，但米饼就提升咗香味。
牛小排and五花腩我地四个share，因为想每样都试试。牛小排脂肪分布均匀，诱人嘅雪花纹令我未食先兴奋，在滚烫嘅岩石上烧10秒左右就上碟，入口即溶。五花腩都充满油香，如果再厚切就更正了，我比较钟意五花腩用厚切。因为肉冇腌过，所以可以品尝到本身嘅肉香，抵赞。
笼仔蒸海鲜，我地今次有好大只嘅花甲。全清蒸，啖啖鲜味。
竟然仲有半只龙虾+两件肥拖罗。头盘竟然有咁贵嘅食材，睇黎真系一分钱一分货。
喜之次系4个人就送嘅，咸味好均匀，鱼肉都唔会松散，我记得之前我烧过一条喜之次，烧到散晒，几乎浪费咗😂
最后嘅釜饭其实好迟先送上，𠮶阵我地都饱到七七八八，所以只食咗少少，品尝得唔仔细。
本身谂住贵系贵在头盘，点知任点嘅食物都唔马虎
放题必点嘅刺身上台了，呢度有超大嘅赤虾啊，唔系间间放题店都有架，味道虽然不及甜虾鲜甜，但满口弹牙虾肉嘅感觉会好满足
最夸张嘅系有法国生蚝+日本生蚝，仲要系任点，估唔到放题竟然食到生蚝。法国蚝重口味dd，但肉就实身少少+冇咁滑，壳系睇落去比较三件八角。日本蚝就啖dd，但胜在又大又滑，所以我地疯狂追加
甜品本身以为有人像咖啡，仲兴致勃勃咁拣相片，点知𠮶日冇。。。有d可惜。。。最后拣咗雪糕球。一望落去以为系2人分量，其实系1人2球架，认真够睇头
张贴
