星願 居酒屋 (已結業)

今日同朋友都放假周圍出去覓食，咁啱又嚟咗將軍澳呢邊，行過就試下一間充滿日式氣氛嘅居酒屋，店外仲有少少霓虹燈嘅設計感覺好特別。至於價錢方面都唔會好貴，中規中距唔會離地嘅價錢，服務質素好。除咗日式燒烤之外，估唔到拉麵佢哋都有做，基本上諗到既都可以食到，非常之多選擇。有選擇困難症既我地最後就選擇咗芝士蒲燒鰻魚鐵板飯 $88，佢嘅賣相非常之吸引，出面都冇見過，另外朋友叫咗佢哋嘅中午套餐御便當D 豚骨叉燒，博多餃子招牌玉子 $48，便當嘅食材都好多元化，特別值得一讚嘅係刺身非常之新鮮！味道仲好鮮甜，真係好想食多幾塊！