佐賀燒肉谷 (屯門市廣場1期)

营业中

休息中

食呢一餐之前本来以为任食烧肉主打都系个肉字，点知除咗肉之外，海鲜同甜品更加惊喜🤭 因为呢两样嘢好想再回头食😆 入座之后，首先会有个九宫格入边有几款唔同嘅牛肉同海鲜开一开炉，顺便睇吓边款值得再叫😁个人最钟意封门柳，准备烧之前店员好热心咁提醒封门柳可以U字型咁放落个网烧，咁样受热会均匀啲，烧出嚟又真系靓啲🤩 最后店员仲好好帮我哋剪好上碟，成个用餐体验即刻升华咗☺️ 封门柳烧出嚟真系好有牛味同有口感，有肉汁又有少少焦香👍🏻 海鲜真系大力推荐，原只鱿鱼同埋大虾都好吸引，唔好以为大虾系一般放题店嘅size，而系大虎虾咁大只，真系值回票价😂 原只鱿鱼烧香咗表面之后再剪到一圈圈，可以配蒜蓉酱或者椒盐食🤩 而帆立贝都唔细，有埋烧汁食落都几惹味食完一轮肉同海鲜之后梗系留返个胃食甜品🤭 真系比呢间餐厅嘅甜品感动到，因为除咗有雪糕之外，仲有可以放喺炉上面烧嘅迷你朱古力鲷鱼烧同窝夫，仲有唔同口味嘅大福、卷蛋、brownie，同埋意外地好好食嘅黑糖豆腐花😍啱晒钟意食甜品嘅人。