Dare

营业中

休息中

呢个「和风牛柳粒饭配温泉蛋丼」（$65），今次已经系第五次食，但系仍然食唔厌，因为真系好高质。 牛柳粒份量好多，炒落好香，而且会有铁板烧嘅味道。牛肉唔会有雪藏味，而且亦都冇筋位，味道一流。 温泉蛋睇落可能有少少太熟，但其实啱啱好。笃穿蛋黄，啲蛋汁流晒出嚟，梗系要落嚟捞饭啦。啲蛋汁好香，而且入口好滑。 佢亦都送咗啲汁，应该系烧肉汁嚟。但系牛肉本身好想，而且有温泉蛋啲蛋汁，所以根本用唔落啦～ 𠮶饭底系珍珠米，符合番日式风格。珍珠米弹牙，而且应该系即刻煲起嘅，唔似系用微波炉加热𠮶种。 配菜有车里茄、豆同蘑菇。蘑菇份量同款式都好多，有冬菇、雪白菇同杏鲍菇；而且唔会系白烚畀你𠮶只，有经过调味，好香蘑菇味。炒豆嘅份量都唔少，车里茄亦都唔会有草青味；整体嚟讲好健康啊！