四姐川菜

营业中

休息中

之前食过铜锣湾𠮶间四姐川菜两次，觉得又抵食又好食，知佢向湾仔开左分店，前两日收工夜就去食个晚饭。湾仔分店位置有点特别，楼下完全无广告牌或者水牌，都有d惊去错，要睇清楚个地址，佢向安邦商业大厦一楼全层。湾仔分店同铜锣湾店都一样，以人头计，一个价钱包晒，$340一位包晒茶水白饭𩠌菜同加一，我地两个人去食，以两人计就有两碟凉菜同三个热菜选择。招牌四川凉面每次都食既凉面，佢够大碟，面质弹牙有咬口，而佢既辣椒酱唔算辣，只系野味，唔食辣既人都啱食。重庆口水鸡尼个口水鸡比之前过感觉细碟左，同埋可能我晏去，所以鸡既部位有d散，但味道仍然好味。酸菜鱼我地唔食得太辣，所以点左酸菜鱼代替水煮鱼，鱼肉非常嫩滑又无骨，而酸菜味唔太酸但会轻微过咸，d汤汁就唔可以饮太多。糖醋里脊尼个甜酸里脊肉十分推介，将肉切成条状，易入口又可以沾晒d糖醋汁，绝对増加食欲。川式宫保鸡丁尼个宫保鸡丁绝对有四川风味，比起一般酒楼食为辣，但非常野味，攞离送饭食一湾，套餐已包白饭，所以食多两碗白饭都得。另外仲会送一碟蒜蓉炒菜，清清地中和一下辣味，抵食又好味。整体离讲湾仔分店都有同样水准，以敢既价钱有敢足料既份量同质素，确实唔错。