影片
更多
2008-05-02
14 浏览
上年生日男朋友带我黎呢度食佢话当时见到呢间系赤柱区排第一, 全部"笑"食评既餐厅, 于是就去左庆祝我生日结果真系好好食~~~!上次食左牛扒配鹅肝酱+翡翠螺+焗茄子+半分天下pizza(小天使+蓝芝士)仲有tiramisu做甜品~样样野都好好味相隔半年, 我地食过番寻味, 不惜专登o系油塘行去鲤鱼门搭船去西湾河再搭巴士入赤柱, 就系为左再黎呢度食饭~~!!由于今日系公众假期, 有好多人黎赤柱消遣我地今次又无book枱, 所以专登早少少去6点45分去到, 已经有几枱客了~ 后尾d客都一枱接一枱咁黎果然真系好多人慕名而来~我地今次叫左一个set dinner加一个main course同甜品先讲个Set dinner:1. 忌廉蚬肉汤 + 两片多士 - 蚬肉几鲜味, 忌廉稀稠适中, 配埋两片多士(唔系一般o个d蒜蓉多士, 但我唔知系咩..), 很开胃的前菜~2. 烧杂菜配蛋沙律 - 睇个名仲谂紧点样烧d菜, 原来系d烧青椒、红椒、黄椒、茄子、翠玉瓜, 加半只蛋沙律, 几特别!3. 香草烤鸡黑菌意大利饭 - 件鸡净系配左少少香草黎烤, 好香!! 黑菌意大利饭个汁好好味, 令人不禁食完一啖又一啖
佢话当时见到呢间系赤柱区排第一, 全部"笑"食评既餐厅, 于是就去左庆祝我生日
结果真系好好食~~~!
上次食左牛扒配鹅肝酱+翡翠螺+焗茄子+半分天下pizza(小天使+蓝芝士)
仲有tiramisu做甜品~
样样野都好好味
相隔半年, 我地食过番寻味, 不惜专登o系油塘行去鲤鱼门搭船去西湾河再搭巴士入赤柱, 就系为左再黎呢度食饭~~!!
由于今日系公众假期, 有好多人黎赤柱消遣
我地今次又无book枱, 所以专登早少少去
6点45分去到, 已经有几枱客了~ 后尾d客都一枱接一枱咁黎
果然真系好多人慕名而来~
我地今次叫左一个set dinner加一个main course同甜品
先讲个Set dinner:
1. 忌廉蚬肉汤 + 两片多士 - 蚬肉几鲜味, 忌廉稀稠适中, 配埋两片多士(唔系一般o个d蒜蓉多士, 但我唔知系咩..), 很开胃的前菜~
2. 烧杂菜配蛋沙律 - 睇个名仲谂紧点样烧d菜, 原来系d烧青椒、红椒、黄椒、茄子、翠玉瓜, 加半只蛋沙律, 几特别!
3. 香草烤鸡黑菌意大利饭 - 件鸡净系配左少少香草黎烤, 好香!! 黑菌意大利饭个汁好好味, 令人不禁食完一啖又一啖~~!
另加既Main Course:
4. 牛扒配鹅肝酱 - 上次食过, 今次专登再黎都差唔多系因为想再食呢味菜~ 牛扒叫左7成熟就真系7成熟, 唔会太靭~ 肉汁浓郁~ 配埋鹅肝酱(今次有2片, 上次得1片架咋!), 简直系一流!!
仲有叫左个甜品:
5. 苹果批伴雪糕 - 一片片苹果中间夹住埋班戟黎烤, 上片淋左d朱古力酱, 再加一个云呢拿雪糕球, 一热一冻配住黎食, 劲正!!! d苹果片又唔会太甜!! o系出面都未见过咁样整既苹果批, 真系好正!!!!
最后仲有一杯跟set dinner既咖啡, 都ok, 无乜特别~
不枉我地专登入黎食, 好满足~~!
入开黎赤柱relax既, 不妨黎试下~~^^
我地就一定会再黎~哈哈~
P.S. 好多人都对o个两位伯伯侍应服务态度有微言, 我地就觉得佢地几好, 不断同我地换碟同斟水, 佢会用d"同你好似好熟"既口吻同客人倾计, 可能有d人唔中意, 不过我地觉得无咩问题, 呢个系佢地既style嘛~
张贴
