維記咖啡粉麵

营业中

休息中

福荣街差唔多成条街都系食野既，间间都有杂志比食评，维记虽然比较少，但就好特别地同一条街有三间，都仲要门口排哂长龙。之前都食过，真系好钟意佢地既〝牛肉面〞同〝猪润面〞，汤底冇味精，新鲜牛肉汤底煮成，汤边仲有牛肉血形成既泡泡，饮左都唔会好似觉得面舖咁，需要饮野或者系好重味精味，牛肉煮得岩岩好，猪润又爽口。另外仲有〝加央多士〞都系正野之一，虽然要$12但就真系真材实料，成份都比蛋浆包住，入面既酱一d都冇偷工减料。真系食过番寻味。有3间维记，本人个人喜欢系最旧果间，因为觉得特别有风味，d阿姐态度马马，可能踏左咁耐场，总有d烦躁既，厨房既阿叔就十分敬佩，d阿姐系咁叫d面名，阿叔唔洗纸都能够一一做出黎，真系劲呀。