夏雪 (已結業)

唔知由几时开始，每日晚饭后总要食返个甜品先满足，无奈香港好食既甜品店实在好有限，又冇可能成日食返果几间，都几头痛😓好几次行经夏雪，都会被门口果阵香喷喷既waffle味吸引，原来是西环新开既甜品店，无奈每次都有人系门口排队，于是决定揾日时间充足时来试下~今次已经系第三次食了~店内环境有啲挤迫，因为店面实在不大，有三张长方形木枱而已，每张大概可坐八至十人，由侍应和店内装修睇得出店铺应该系由一班年轻人合伙经营的吧~店内格局很台式，好似台式cafe，感觉好轻松休闲，适合三五知己前来谈话聊天~甜品方面本人推荐Japanese style waffle~浓郁既绿茶味加上绿茶雪糕和白玉，而且waffle香脆可口，连个「咸」都系绿茶做的，绝对够味，第一次食时有点意外，意外地好食😋 虽然每个waffle都要等十五至二十分钟，但讲下野都好快过~Apple crumble就冇咩惊喜，反而果pat牛乳雪糕俾到惊喜我，好滑👍而且价钱都几合理，因为啲waffle一般都几大份，两个人share一份就刚刚好~ 值得一提的是服务，睇得出侍应们好有heart，但唔够专业，好似个个都唔知做紧咩甘，呢个做做下呢样都未做完就走