漁匠屋

营业中

休息中

每年都要远道而来食一次，皆因鱼生新鲜，质素有保证。附近有咪表，但无一次泊到，渣车嘅话要留意啦。每个丼饭都有附上芝士同汤，呢个组合新奇，但又好夹，好想知个芝士系边度买😂-壹の重丼 白身鱼好出色，又新鲜又有鱼香；吞拿鱼腩入口即融。鱼生份量绝对够食晒成碗饭。-北海三味丼 粒帆立贝又大又鲜甜，连埋蟹肉一啖食，超满足。但相比下，由头到尾都系帆立贝会比较单调。-酸汁广岛蚝3只都系$48，几抵食。蚝味唔算好浓郁，主要畀酸汁盖过左，不过不失。如果你想揾间鱼生新鲜又无伏嘅丼饭，呢到会帮到你。有机会想试下lunch，望到非常抵食。