Ufufu Cafe (已結業)

呢幢大厦夜晚成日劲排长龙，估唔到晏昼反而冇乜人㖞，仲有得坐窗边位添！我同朋友仔分别叫咗铁板和牛汉堡扒 & 一口吉列猪扒咖喱蛋包饭，我就再 top up 饮品做抹茶忌廉拿铁（话晒食日本嘢系要叫返杯抹茶饮品嘅）。如果你柯打咗铁板餐，店员会好贴心咁比件围裙你，咁就唔会整污糟件衫啦。果块和牛汉堡扒大过我个拳头啰，你话夸唔夸张，但系又唔会煮到干争争。好味道嘅程度系，同事话佢会为咗呢块和牛汉堡扒返黎食架！不过我哋有个小小建议，就系铁板酱汁可以考虑另上，因为个碗放喺铁板上变得好热，攞上手真系非常容易辣亲手，尤其是小朋友就会好危险啦！相比之下，原本都几大块嘅吉列猪扒都变得细咗啲。咖哩好有日式嘅味道，甜甜地亦唔会太浓味，上面滑蛋嘅质感亦做得啱啱好。而抹茶拿铁嘅忌廉太多，饮到最尾变咗食忌廉。其实餐牌仲有介绍水蜜桃甜品，不过午饭时间太短，下次再嚟慢慢叹个靓靓下午茶试下先！