茶茶台式料理 (已結業)

半年前食过一次，之后都一直心思思想再食，但系search极都揾唔到，原来餐厅改左名，咁就约朋友食多次。餐厅改名后多左串烧系列，我地就每款都试下。羊肉串较普通，最好食莫过于牛舌，好厚好大块，而且唔难咬。每人拣左一个锅，分别有药膳豚/牛锅，巴蜀烤鱼锅同咖哩奶盖锅。友人嘅bb辣烤鱼锅好辣！至于每锅嘅配料都好丰富，慢慢食唔经唔觉就食哂，超级饱。打边炉仲有得配芝士茶实在太好，我地叫左芝芝莓莓同芝士绿妍/红玉，质素真系唔错，有粒粒草莓肉，真材实料！