辣辣屋

营业中

休息中

之前食过呢度嘅烤鱼，突然又挂住𠮶份惹味，即刻捉埋老婆再嚟食喇我哋集中拣啲餐牌上写住「best seller」嘅菜式，两个人叫咗一份小食、一份拌面、一份烤鱼同饮品。蒜香黄金皮蛋黄金皮蛋色泽诱人，比平时食到嘅黑色皮蛋蛋味冇咁浓、易入口啲，软糯嘅溏心蛋黄＋弹嫩嘅蛋清，口感极佳；加上浓浓嘅蒜香，呢份皮蛋真系encore之选香葱肉碎拌面成餐都系食浓味嘢，所以我哋叫咗呢份简单香口嘅拌面，都几好食。泰式冬荫功烤鱼主角嚟喇！上次试咗泰式酸辣，今次拣泰式冬荫功汤底（小麻小辣）。职员好快就送上大大份嘅烤鱼，等紧条鱼滚嘅时候已经闻到阵好香嘅冬荫功味，令人流晒口水小麻小辣对唔太食得辣嘅我哋嚟讲都好够辣、好惹味，真系越食越辣，越辣越爽！个汤底除咗香辣，仲带有淡淡嘅椰香，我哋都忍唔住饮咗碗冬荫功汤，好正。烤鱼份量次次都好足秤，啖啖肉，冇乜细骨，肉质肥美嫩滑。冻柑橘柠檬呢杯饮品真系超大杯超抵饮，真系要两个人share先饮得晒。酸甜清爽，食辣嘢𠮶阵饮真爽晒。第二次嚟帮衬，食物水准keep住都系唔错，又坐得几舒服，值得翻兜。