很得輝 (金滿閣)

营业中

休息中

住唔住开大西北，对炸脾有期望的人，都应该会听过、食过呢间炸脾，事关呢只炸脾真系有啲料到。喺屯门又唔系太方便的位置的一间细铺仔，路过，无乜装修，简单黎讲系路过左都唔知。但一到夜晚，就会聚集左一班喜欢炸脾的爱好者。呢度的炸脾，每只大细都差唔多，有访问报导过店主因为品质监控下，每只鸡脾选240g 至260g ，生炸脾先可以做到皮脆肉滑。亦选用细的面包糠，令炸皮更幼细。炸脾食落真系造到老板想要的效果，就系皮脆肉嫩，上台时热辣辣，可以随自己喜好加各种调味粉，仲有唔同级数的辣粉任意选择。咬落口脆卜卜，咬落去的声音同食薯片一样。肉质多汁唔会干硬化咁，真正食过返寻味。今日的营多就煮得岩岩好，仲有弹牙感，而且份量十足。饮品最喜欢蜜瓜奶绿，唔会好假而且比较少饮到呢种味道的饮品。