麵屋神匠

营业中

休息中

《面屋神匠》 主打浓厚虾汤底拉面及蟹汤拉面，上次食过呢间觉得好食，所以今次带朋友仔嚟呢度一齐享用美食，感受日本风情！嚟到餐厅已经坐满食客，要食好西就要等一等位啦！🤩首先要推介一下佢哋嘅蟹汤拉面同虾汤拉面，系必吃之选！汤底非常浓厚，亦都够鲜味！我地今次叫咗浓厚虾汤拉面、辛辣虾汤拉面 & 日式唐扬炸鸡。
浓厚虾汤拉面拉面食材非常丰富，有叉烧、溏心蛋、笋条丶樱花虾丶紫菜等，色香味俱全，汤底非常浓而香口，每一啖都食到虾香味！拉面入口弹牙，超有口感！正！😋辛辣虾汤拉面色香味俱全，辛辣虾汤拉面嘅辣味会比较出，后味就系虾香味，拉面配上好多樱花虾，味道超香，每一啖都食到虾香味！日式唐扬炸鸡炸至金黄色，外皮酥脆又多鸡肉汁，不禁令人一口接一口，再点上酱料一齐吃，更美味！浓厚虾汤拉面vs辛辣虾汤拉面，两碗汤底比较之下，浓厚虾汤拉面嘅虾汤鲜味会比较特出，个人比较喜欢呢个拉面，大家不妨嚟试一试！✨