陳儀興尚潮樓 (英皇道)

营业中

休息中

朋友话想食潮州菜，我就提议去之前我去过既鲗鱼涌陈仪兴尚潮楼食。钟意尚潮楼嘅环境写意舒适，适合倾偈，而且嘢食系上品。去到侍应即刻上咗壶茶，咸酸菜同埋功夫茶俾我哋。我哋跟住点咗以下嘅嘢食。凉拌海蜇头：海蜇头厚肉。唔会煮得过熟而靭。佢系滑得黎好Q弹嘅口感。海蜇头配上麻油，芝麻粒及酱油，味道惹味开胃。招牌鹅三宝：食潮州嘢食卤水菜式系必须嘅。呢个三宝包括鹅肉，鹅肝，鹅肠同豆腐。鹅肝依然系我最欣赏嘅，做到好滑嘅效果。鹅肠亦都清洗得好干净。鹅肉弹牙。豆腐好重豆味。呢四款食品都吸收咗香料同卤水嘅味道，齿甲留香。清炖荷包鳝：第一次食呢款手工菜。用咸菜包住鳝，菜谱同埋金华火腿一齐炖。好特别。咸菜花甲汤：蕃茄咸菜加上新鲜嘅花甲。咸咸酸酸中带着花甲嘅鲜味。