Non Kitchen

营业中

休息中

呢排做嘢好忙，终于约到朋友出嚟食饭，梗系要揾间坐得舒服嘅餐厅啦，朋友介绍我去观塘工业大厦入边嘅一间隐世西餐，入到去嘅时候估唔到都几多人，好彩都有张卡位俾我同朋友，餐厅嘅装修令人感觉好舒服，职员态度亦都好好。今次我同朋友拣咗唔同嘅美食。黑松露薯条作为前菜必须要点，好香浓嘅黑松露味，再加上黑松露酱汁，识落非常惹味，而且觉得太过浓郁嘅话亦都可以沾上茄汁，一样好味道，而且每一条都仲系热辣辣。水牛城辣鸡翼出面嘅西餐厅已经好少见到有水牛城鸡翼，我同朋友一定唔会错过啦，炸到脆卜卜，而且酱汁唔会过咸，味道啱啱好，配上沙律菜，即刻减轻油腻感。炭烧纽西兰西冷牛扒食牛扒一定要嗌五成熟，果然啱啱好，最钟意烤到有少少趣博博嘅感觉，入边肉质鲜嫩，最欣赏佢个配菜有薯蓉，非常之香浓嘅牛油味。而且牛扒份量几大，两个人食啱啱好。京式烤鸭薄饼好fushion嘅菜式 平时冇试过烤鸭薄饼，加上芝士原来系咁夹。份量唔算好大，食落脆卜卜，总括嚟讲所有菜式都好欣赏。