牛霸小麵店 (已結業)

今日一行四人食午饭，第一时间梗系揾间坐得舒服又好食嘅餐厅啦，但环顾平时湾仔市中心嘅餐厅，几乎间间都坐得好局促，实在唔系一个适合边食野边倾计嘅好地方，于是我地最后拣左呢间牛霸小面店，今次系第二次帮衬佢lu，同上次一样唔算多人排队，我地大概等左5分钟左右就可以入座了~侍应安排我地坐一张超大嘅卡座，真系有少少受宠若惊！因为平时中午时份出街食饭都被人逼惯，而家有一张宽阔嘅大枱已经觉得好开心！之后我地用手机落单；我嗌左一份盐酥鸡卤肉饭便当($55)，+$6配珍珠奶茶，Total都只系$61咋！味道方面，同上次一样无令人失望，盐酥鸡炸得啱啱好，调味亦唔会过咸；份量亦都好足，绝对唔会hea你，盐酥鸡数量都有5-6块，绝对对得住佢个价钱，性价比几高架！呢间台式餐厅整体嚟讲真系好高质，无论食物质素、价钱、份量、环境、服务态度等等都系属于高质素，如果唔系因为同公司距离太远，我应该会成日去架！