影片
更多
2024-09-24
5308 浏览
好多年前喺呢边返工嘅时候记得呢度有一间唔起眼嘅火锅店。今晚过嚟重温旧梦，叫咗呢个需要提早预约嘅黄金甲汤底，见到一只好大只嘅肉蟹系新鲜上嚟，个煲都争啲摆唔晒。大概等15至20分钟左右，只蟹变晒色就可以开始食。佢个底有一大旧南瓜，所以成个汤底都好鲜甜。见佢熟晒之后职员会好热心咁样过嚟帮你将个南瓜剪细佢，同埋会教你饮咗汤，食咗汤底料先，最后先再加返猪骨汤嚟打边炉。佢呢啖汤真系不得了，系用咗虾头同埋蚬去煲，煲完呢个汤底之后再加返南瓜同埋呢只新鲜嘅蟹再煮，所以个汤底真系好浓郁，而且蟹膏味好重，真系好好味。除咗只蟹之外，入边仲有好多蚬同埋沙白，全部都胀卜卜大粒。其实饮完呢个汤再加埋食埋啲蚬同埋蟹都饱咗一半。佢只肉蟹真系唔少嘢㗎，只钳够晒大只，而且仲好鲜甜，真系够晒新鲜。饮够晒个汤就可以加普通猪骨汤嚟打边炉。我哋叫咗一个切肥牛，佢呢个肥牛同普通嘅火锅店唔同。唔同佢真系新鲜嘅牛，而唔系其他𠮶啲冰鲜牛，因为我哋太早叫定啲火锅料，所以其实放咗好耐，佢都冇出血水，仲系好似啱啱摆上枱咁靓仔。而且个肉味都好浓，又够晒腍，值得一赞。跟住叫咗个蟹籽墨鱼滑，佢个墨鱼滑都好弹牙，中间仲有大大粒嘅墨鱼肉添。而叫咗个双拼饺
今晚过嚟重温旧梦，叫咗呢个需要提早预约嘅黄金甲汤底，见到一只好大只嘅肉蟹系新鲜上嚟，个煲都争啲摆唔晒。
大概等15至20分钟左右，只蟹变晒色就可以开始食。佢个底有一大旧南瓜，所以成个汤底都好鲜甜。
见佢熟晒之后职员会好热心咁样过嚟帮你将个南瓜剪细佢，同埋会教你饮咗汤，食咗汤底料先，最后先再加返猪骨汤嚟打边炉。
佢呢啖汤真系不得了，系用咗虾头同埋蚬去煲，煲完呢个汤底之后再加返南瓜同埋呢只新鲜嘅蟹再煮，所以个汤底真系好浓郁，而且蟹膏味好重，真系好好味。
除咗只蟹之外，入边仲有好多蚬同埋沙白，全部都胀卜卜大粒。其实饮完呢个汤再加埋食埋啲蚬同埋蟹都饱咗一半。
佢只肉蟹真系唔少嘢㗎，只钳够晒大只，而且仲好鲜甜，真系够晒新鲜。
饮够晒个汤就可以加普通猪骨汤嚟打边炉。我哋叫咗一个切肥牛，佢呢个肥牛同普通嘅火锅店唔同。唔同佢真系新鲜嘅牛，而唔系其他𠮶啲冰鲜牛，因为我哋太早叫定啲火锅料，所以其实放咗好耐，佢都冇出血水，仲系好似啱啱摆上枱咁靓仔。而且个肉味都好浓，又够晒腍，值得一赞。
跟住叫咗个蟹籽墨鱼滑，佢个墨鱼滑都好弹牙，中间仲有大大粒嘅墨鱼肉添。
而叫咗个双拼饺到有啲吓亲，因为佢真系好大粒好足料。我哋叫咗韭菜饺同埋云吞，两款都系大大粒，童叟无欺。
另外仲叫咗Wasabi莴笋，佢呢个食法都系第一次。啲Wasabi时候真系会被莴笋吸收晒，所以食落去系爽脆嘅Wasabi咁。
最后饮品我哋拣咗佢哋嘅自家制凉茶，打边炉咁热气梗系要下一下火啦，佢啲凉茶系饮得出自己煲嘅，唔系𠮶啲工场制就咁倒落去，好有心㗎。
张贴
