川流 (已結業)

老公一直好想食川菜， 上次住如心staycation 得知湾仔荟贤居有间特式川菜餐厅，所以一早book定位同老公黎撑枱脚！呢间餐厅装潢好特别，以西式格调为主，仲有个酒吧枱既位，有别于普通川菜馆，食川菜都可以好浪漫嫁😆😆首先会送上4小碟头盘，个人最爱麻辣毛豆，麻香中又带点清甜，好正！而老公就最爱辣鱼皮花生，越食越开胃！ 灌汁小笼包，小笼包外皮好薄，呢道食法好特别，用针管将醋汁直接打入小笼包内，防止穿皮而流失肉汁，创意又贴心，肉汁满满，原只一啖放入口，甚是滋味！水煮鱼片，食川菜水煮既菜式系必点既，红当当既卖相已经吓呆我😂，鱼肉无骨滑嫩，辣味完全足够，仲食到我头痕🤭但又真系好刺激惹味，真系岩哂爱劲辣既朋友。五十二度慢煮樟茶鸭，我同老公都超爱，上菜时已经嗅到烟熏香，鸭肉以低温慢煮，肉质腍身不膻不腻，厚切既鸭肉都唔觉鞋口，肉中带出淡淡烟熏茶味，用旁边既馍包包住同食，另又一番滋味！黑醋黑毛豚酥肉， 肉调味甜酸度适中，豚肉炸到皮脆肉嫩，仲配合埋菠萝系底去腻，正呀！