古月

营业中

休息中

朋友系昼就试完古月餐厅嘅「古滑鸡饭」后，觉得10分好味，所以晚上就买咗外卖过黎同我一齐试吓（10分感动！感谢！）食嘅一刻真系觉得：名不虚传！ ！ ！佢嘅鸡肉10分嫩滑，上面冧咗佢秘制嘅「古滑汁」，两者配合得啱啱好，令人食完一旧，又想即刻想食第二旧。我好少会出声赞啲食物「好味」，但系试佢嘅古滑鸡嘅时候，我就忍唔住赞佢：「好好味！」另外，佢得饭仲系用油饭，都系野味滋味之选！朋友仲买埋佢嘅「招牌古月肉骨茶」黎一齐试食。用得「招牌」两个次，令人好期待！一打开盖，就见到好大粒嘅蒜头系正中间，好搞笑！唔理啦，首先梗系试吓佢嘅汤，比较重胡椒味（味道就好似猪肚汤嘅味），同想像中嘅肉骨茶有少少出入⋯虽然佢嘅汤同我哋嘅想像有啲出入，但好欣赏佢材料十足，汤料肉质嫩滑得黎好有口感（唔知道佢拣嘅哩个部位叫咩名）P.S.上网睇返，原来间餐厅请左听障人士做职员。我未去铺头，但如果系真，算系良心企业，值得支持！