影片
更多
2006-05-21
27 浏览
之前在5月15日已经与老公在此食午餐，觉得好味又抵食，冻饮唔驶加钱外，仲唔收加一，nann bread够热及大块。我食咖哩牛及咖哩羊，两个汁底唔同，牛大块及味道清，羊则够腍及汁底浓味，点nann bread无得弹。早两日庆祝同事生日，预早订了9位食午餐，有位港人女侍应，招呼好到不得了。佢仲介绍，有一味羊脾，足够8-9位享用，全只$220，半只$120，不过需时45分钟，最好订时预订，下次一定要约埋好羊者一齐品尝。我地大多数食set lunch，分别鸡、牛、羊，个鸡因为叫椰汁咖哩鸡，所以椰汁味够重，总括都系个羊好食D。有同事试「特别推介」羊膝(散叫)原价$70，特价$58，个汁好好味，我地争住试，果然，点nann bread好「正」。另外，加$10试佢个芒果奶昔，佢话系自己发酵o既，与边宁顿街Shalimar Club比，较稀及逊色，不过都好过饮奶茶，佢d奶茶的确唔掂。这次午餐，各同事均赞不绝口，连我最嘴刁上司都赞nann bread及汁底好食，佢话日后若可单叫汁底同nann bread外卖都唔错。埋单时，印藉伙记(唔知系伙记定老细)好醒目咁帮我地除埋条数，非常好服务，佩服!其实系几抵食
早两日庆祝同事生日，预早订了9位食午餐，有位港人女侍应，招呼好到不得了。佢仲介绍，有一味羊脾，足够8-9位享用，全只$220，半只$120，不过需时45分钟，最好订时预订，下次一定要约埋好羊者一齐品尝。
我地大多数食set lunch，分别鸡、牛、羊，个鸡因为叫椰汁咖哩鸡，所以椰汁味够重，总括都系个羊好食D。有同事试「特别推介」羊膝(散叫)原价$70，特价$58，个汁好好味，我地争住试，果然，点nann bread好「正」。另外，加$10试佢个芒果奶昔，佢话系自己发酵o既，与边宁顿街Shalimar Club比，较稀及逊色，不过都好过饮奶茶，佢d奶茶的确唔掂。
这次午餐，各同事均赞不绝口，连我最嘴刁上司都赞nann bread及汁底好食，佢话日后若可单叫汁底同nann bread外卖都唔错。
埋单时，印藉伙记(唔知系伙记定老细)好醒目咁帮我地除埋条数，非常好服务，佩服!
其实系几抵食，个个都好饱，原先想过对面甜姨姨打包甜品返公司，埋单后已经冇人记得，亦都食唔落。
张贴