華膳正點 (已結業)

之前试业期间食过一次，果时无乜人，今次去既时候已经爆哂要等一等位，证明真系好味！服务依然超好超nice，子姜牛肉球真系无敌，唔会太熟又够juice，小笼包好多肉汁皮够薄，叉烧肠粉好滑而叉烧唔系俾好肥好多筋既位，真系好正！最正系盅头饭，沟左小小红米好好咬口，饭够香够软熟。呢度最难得既系俾豉油一啲都唔孤寒，一瓶豉油咁上，我呢啲豉油怪都用唔哂haha~当然啦，都有地方值得改善既，焦糖炖蛋既焦糖面烧得太耐苦左小小，炖蛋落多左牛油失去蛋香味；鸡扎例牌有部分材料雪藏味太劲。呢两样食物唔建议点。虾饺烧卖凤爪虾酥盒萝白糕都几好味，其他既唯有下次再试！