川燒 (已結業)

今次系我第二次嚟川烧，一想到食串烧我就即刻谂起川烧，上次食过后都一试难忘。位于佐敦呢个宵夜热点，虽然出面落住雨，我地今晚9点零钟嚟到，但店内仍是座无虚席，可想而知呢度有几多忠实粉丝。一嚟到即刻点返杯1664生啤先啦，我最喜欢那淡淡的花香味，冰冻感觉即时热气全消。烧鸡泡鱼干表面烧至金黄香脆，味道带点鲜甜，一点都不干，咬开仍有一丝丝鱼丝质感的。川香麻辣猪大肠虽然带有一点罪恶感，但呢个猪大肠真系好好味呀，面头的葱白段、葱粒、芝麻增添香口感觉，个辣油真系好惹味，少少花椒粉，少麻辣香口而不至于令你舌头麻痺，猪大肠又够腍又入味，真系令人又爱又恨呀。烧川香麻辣肠初时睇表面好似一条普通的台湾肠，咬落去肠衣够脆，里面充满肉汁，麻辣香味随住啲肉汁渐渐涌现，好食到食完一条又一条。烧鸡软骨火喉烧得也刚刚好，一啲都唔干，脆卜卜好有口感。烧日本广岛生蚝加了蒜茸一齐烧，后加有葱、干辣椒丝和蟹子增添香味和口感。蚝身饱满，咬开蚝肉仲有好湿润鲜味，又系好好食呀。 见到差不多每枱都叫碟烧鲜白鳝，我地都唔执输，白鳝好肥又大件，表面搽了酱汁，鳝皮那边烧得特别香脆，另一边又啖啖肉，鲜味嘅鳝配合埋带甜的酱烧汁，好惹味、那种鲜香味