三姐松記糖水 (已結業)

店面感覺乾淨清新，裝修簡潔明亮，有空間感。甜品款式好多，菜單加入了新元素去迎合年輕人口味。比利時心太軟配益力多雪糕即叫即焗，下單後等十分鐘就到。心太軟微暖，一切開有8成都係流心！朱古力好漿口又濃郁，帶苦味不太甜，岩哂我口味！外層鬆化，一百分。益力多雪糕唔好食，唔係好似益力多，只係小小酸味既雪巴。椰皇凍細細個既椰重有薄薄一層椰子肉，好輕易就刮到落黎，可以配合果凍一齊食。椰子水清甜，加入魚膠粉製成凍。要挑剔嘅係魚膠粉太多，有啲實。花奶都幾多，食左幾啖就好飽。芒果腸粉身為一個芒果控就一定要食呢個。一層椰汁糕包住整整一舊芒果，比例係1分椰汁皮9分鮮芒果，正！