養心殿台式養生鍋 (已結業)

人人都话要养生，我今日又要，嘻嘻... 前牌去旺角分店食过一次，真系好好味，由于太挂住喇，今日再嚟。佐敦分店地方都几好大，我钟意店内的设计，店员又好人又快手。上次试过美人锅已经觉得好滋补汤又好味道，今次要试埋其他款式。宁神养心锅：川弓白芷天麻鱼头，听讲这种配搭系好适合经常头痛的我，汤底好重药材的味道，又不苦涩，仲有乌鸡一齐煲，D肉可以食埋，真系极佳。食火锅又点少得叫多几款美食呢，店舖推介的我当然要点啦！手切肥牛：好新鲜，牛肉味好重又好滑。手工丸拼盘：每款味道都有特色，但我自己始终最爱墨鱼丸，鲜味又弹牙。另外，梅菜肉丸都好正，好似食紧梅菜肉饼。海鲜拼盘：虾同带子劲新鲜，仲好鲜甜，尤其系只虾还在跳，新鲜得过份，真系好少见。千层冻豆腐：滋味汤底又点少得吸汤高手，吸满汤的豆腐味道好夹，真系未谂到有什么能取代。