Mee...lemongrass (已結業)

一间食肆要留得住个客，最主要因素一定系留住佢个胃！呢间野我呢几个月都食左第三次啦！次次黎都劲多人排队。真系好好味！而且价钱唔贵！性价比好高！Menu选择好多！马印泰都有，完全系今次试几款，下次试几款既不二之选！最喜欢呢d图文并茂既菜单！好colorful！重点系佢无同事实不符，黎到通常都8成似！因为多人，叫左全只既海南鸡！劲滑劲好食！酱料既配搭同d花生都洽到好处。再叫左个做紧特价既劲大版喇沙！真系好大碗！又足料！ 虾，蚬，鱿鱼，豆卜，扇贝，鱼蛋，青口等，咩都有d。 米粉同埋面两只质地混合系同一碗嘅当中，食落去口感好特别。 仲好贴心咁面汤分开上！喇沙汤用一个茶壶上，keep到食完佢仲温暖！奶味非常浓！唔算好辣，汤底一流！我都饮左几碗！你碗牛河好食过我喺越栈食嘅牛河！佢个汤底非常浓厚嘅牛味！做得好好！牛肉同埋牛丸份量都好多！而且河粉都几厚身！系我喜欢既质地。最后叫嘅就系呢个猪颈肉檬粉，捞檬黎讲冇乜特别，呢个正正常常。有一样野不得不赞就系呢度嘅上菜速度！真系快到你唔信！系我哋叫咗菜20分钟到，啲嘢就已经上齐晒咁济！ 不过都可能因为喺出面真系好多人等，好想你食快啲啦！ 但我都仲系钟意呢度大件夹