爆汗串串 (已結業)

今次系我地第三次食啦！第一次误打误撞系佢开业无耐就食过，一试难忘，之后就番唔到转头，仲试过放工揸30分钟车去买外卖添呀😂 之前未有放题要逐样点，而家既放题就更抵食，可以食到好满足先走！是夜放工七点几去到，生意好好，餐厅大概有三十几个位都满哂，等左阵先有位。有六款面同三十几种串串拣，同平时个啲要自己行去雪柜拎既餐厅唔同，点完菜侍应姨姨会送到张枱。每次差唔多食完，姨姨仲会问我地仲想食咩，搞到越食越多😂我地食左三转，每转都二三十串，好爽！个麻辣烫汁会同第一转既串串一齐上，之后就系师傅煮完再摆落自己枱既麻辣烫汁度。我地最推荐既串串有: 千层肚、莴笋、土豆、肥肠佢地真系好入味，个汁真系好香好麻，我中意食辣但又唔食得太辣，觉得岩岩好！另外，我地仲叫左两个小食：蒜泥青瓜同钟水饺，份量啱啱好，唔会太少但又唔会食到饱哂食唔到其他野。个青瓜好脆，个饺皮薄馅靓，正！最后，加$30 就野饮就有得任饮！食辣野饮汽水既重要性相信大家都明，所以任饮真系好紧要😂 唔中意汽水既朋友可以拣冇咁热气既茅根竹庶水同啤酒呀。