平靚正西餐 (已結業)

自从上次食过一次「平靓正西餐」后，性价比十分高，正好今晚又想偷懒唔煮饭，即时谂起呢间街坊小店，又系时候去支持一下喇~~~香蒜肉粒意粉 $48好香蒜蓉味，炒得干身，好香口，当中嘅肉粒系辣味猪肉肠，配埋洋葱碎粒，用料充足，非常惹味。虽然餐牌上表示带辣，但食落唔算好辣，唔食辣嘅朋友可以一试。黑椒牛柳粒饭 $48香浓黑椒味，牛柳粒好淋，炒得刚好，唔会过硬，饭煮得软硬适中，黑椒汁捞饭，惹味又开胃。香脆鸡翼 $24上次食过柚子鸡翼，今次试香脆鸡翼，水准依然，鸡翼炸到金黄，外层脆卜卜，鸡肉好嫰滑。黑松露薯角 $12上次试过芝士烟肉薯角，今次就试黑松露薯角，金黄色嘅薯角，旁边配上黑松露水沙律酱，好香口。