炑八韓烤 (青衣城1)

营业中

休息中

呢间炑八韩烤已经系我第二次食，上次新年同男朋友食完之后，一直都记挂着佢。所以我哋决定再嚟食一次🙈🙈虽然系唔同嘅分店，但系质素完全一样，令我哋非常之满足。一坐低当然唔少得店员为我地系烧板隔离倒入芝士粟米同埋泡菜汤啦。其实我之前都冇乜特别钟意食呢个芝士粟米，但见到男朋友系咁食，所以试咗上，估唔到真系好好味。好香口，芝士亦都可以拉得出丝。 入正题，我哋同上次一样都嗌咗3秒烧，因为实在太好味，上次食完之后一路都想再食返呢只味。我哋今次系自己烧嘅，牛小排一放入烧板，就已经开始变色。数着3秒，攞上嚟食就啱啱好。佢嘅油脂分布非常之均匀，唔会太油腻，牛味好香，位列我钟意嘅榜首👍🏼我哋嗌左好多唔同嘅嘢食，不能尽录，但系值得一提嘅亦都有呢个黑毛猪五花肉。唔好睇佢薄薄一片，因为佢有啲脂肪嘅关系，摆入口系非常之有咬口嘅。无论佢有汁定系冇汁，都好好味。